Por escurjiuns tla Val Venosta cun la ferata, le bus y la roda gnarál pité dai 25 d’aurí ai 27 d’otober dl 2024 n sorvisc de trasport por les rodes. Tles staziuns dla ferata de Maran, Algund y Marling ne pón nia se tó para la roda dales 9:00-12:00 y dales 15:00-17:00.
Dötes les porsones che ó impó se tó para süa roda pó s'anuzé sön la trassa Maran - Mals dl sorvisc de shuttle metü sö aposta.
Sorvisc de trasport dles rodes
Le sorvisc de trasport dles rodes vëgn pité vigni de dala staziun de Maran (architada dl bus, platafora Z) te chisc orars:
- danmisdé dales 09.16 y dales 10.16
- domisdé dales 15.16 y dales 16.16
Al pó gní trasporté alplü 30 rodes (cun lapró ince e-bikes). An pó dé jö les rodes alplü 30 menüc cina 5 menüc denant che le sorvisc de trasport pëies ia. La roda pón indô jí a se tó te chëstes staziuns: Naturns, Latsch, Schlanders, Spondinig y Mals.
Prëibel metede averda: sce al é tröpa jënt pó le personal di mesi publics ne dé nia pro da se tó para la roda tla ferata por rajuns de segurëza.
Chertes y cosć
Le prisc dla cherta por le sorvisc de trasport dla roda sön strada é anfat a chël che an paia por se tó para la roda ti mesi publics de südtirolmobil.
- 7 euro: cherta de n de por le trasport dla roda;
- 3,50 euro: obliteraziun online cun le Südtirol Pass a na tarifa arbassada por le trasport dla roda.
Olá pón pa cumpré la cherta? An pó cumpré les chertes por trasporté la roda pro i posć de venüda südtirolmubiltà, diretamënter olache al pëia ia le shuttle o tres l'app südtirolmobil.
Por de majeri grups él la poscibilité da prenoté le sorvisc de trasport dles rodes al numer de telefon +39 0473 201500 (dales 8:00 ales 18:00).
La ferata dla Venosta: i iadi da sëra toma fora
Porvia di laurs de eletrificaziun dla ferata dla Venosta tomel fora da sëra les ultimes trëi ferates devers de Mals y les ultimes döes ferates devers de Maran. Al vëgn pité n sorvisc de sostituziun dla ferata, olache an ne pó nia se tó para la roda.
Dötes les informaziuns sön le sorvisc de sostituziun dla ferata é da ciafé chiló.
IDM Südtirol/Cherubino