Na cherta de viac – truepa pusciblteies

Cun la curiera, la ferata o la roda – for de viac tl respet dla natura

La vacanzes tl Südtirol ie na ucajion per se tò liede dal auto. Curieres, ferates y n valguna furnadoies te mëina (belau) dloncora, y nce cun la roda se lascel espluré scialdi bën cuntreda y cultura. Chertes de viac saurides a n priesc fis nviëia a se nuzé di mesuns de trasport publics aldò dl bujën y a cumbiné vel’ jita cun na lingia de bela ufiertes.

Duc i mesuns de trasport publich tl Südtirol ie pert dl sistem de trasport ntegrà südtirolmubiltà. Tlo leprò toca la curieres de zità, chëles regiuneles y i citybus, la furnadoies sun l Renon, sun Kohlern, su a Mölten, Vöran y Meransen, la ferata a scines strëntes dl Renon, la furnadoia sun la Mendula y la ferates regiuneles y regiuneles-express tl Südtirol y tl Trentin.
Uni cherta de viac ie da cunvalidé dan uni viac. La chertes de viac südtirolmubiltà ie da giapé coche cherta contactless o coche cherta de viac cun vëta magnetica.
I mutons/La mutans sot a sies ani furnea debant y ne à nia de bujën de na cherta de viac.
La pucaja y ogec vën traspurtei debant.
Tò pea la roda ne ie nia debant: na cherta de viac per dut l di per la roda costa 7 euro. Sce l ie lerch iel puscibl tò pea la roda tla ferates regiuneles, ntant sce, possen tla curieres regiuneles mé tò pea la roda a na maniera scialdi limiteda y te caji singuli; la linies dla curiera curespundëntes ie senialedes aposta sun la tabeles di orares. Pra n valguna furnadoies (Kohlern, Mölten, Vöran, Meransen) iel tarifes extra.
Tò pea tieres: pitli cians y cians per i vierces possa furné debant, per cians mesans y granc iel de bujën de cumpré na cherta de viac singula o na mobilcard junior (cherta per n di o per de plu dis). Ti mesuns dl trasport publich muessa i cians unì tenii pra la corda y avëi n musel. Pra n valguna furnadoies iel tarifes extra per i tieres.