Mobilcard

Vacanzes tl Südtirol: tòlete liede dal auto!

Cun la Mobilcard possa duc i mesuns de trasport publich te nosta provinzia, nce la ferates regiuneles y regiunels-express nchin Trënt y l auto dla posta svizer (PostAuto Schweiz) danter Mals y Müstair unì nuzei tan suvënz che n uel. La Mobilcard ie da avëi per 1 n di, per 3 o per 7 dis ndolauter. Mutons/Mutans danter 6 y 13 ani giapa duta la Mobilcards a n priesc arbassà tla forma de chertes-junior.

La chertes Mobilcard ne vel nia per viages cun la ferates a destanza longia (p.ej. la ferates-EC, Railjet, Frecciargento, Italo) coche nce nia sun chësta linies dla curieres: servisc shuttle cun la curiera 444 Toblach – Trëi Pizes de Lavarëi / Rifugio Auronzo, linia 442 Toblach – Niederdorf – Braies tl tëmp dai 10.07. ai 10.09.2022, servisc shuttle cun curiera 439 Valsperch – Lech de Braies y servisc shuttle 440 Fischleintal / Val Fiscalina.

La mobilcard ie da giapé

• pra la lueges de venduda südtirolmubiltà,
• ti ufizies dl turism,
• pra i automac de chertes südtirolmubiltà tla stazions,
• pra la purteles de chertes de viac tla stazion de Trënt.

La Mobilcard ie na cherta de viac persunela y nia trasferibla tla forma de na cherta contactless o de na cherta cun vëta magnetica. La Mobilcard muessa unì cunvalideda dan uni viac pra i njins de cunvalidazion brums tla curiera o tla stazions. L tleca tenì permez la cherta contactless dancà pra l sensor o mëter ite la cherta cun la vëta magnetica da lassù ju tl cunvalidadëur.

Sun la pert dovia dla cherta contactless iel, dan che n l’adrova per l prim iede, da scrì l inuem dl tituler/dla titulera dla cherta y la data de validità (l medemo di o 3 o 7 dis de calënder dala prima cunvalidazion). Pra la cherta cun vëta magnetica vën la data de destumeda stampeda sun la cherta pra la prima cunvalidazion.

“Südtirol erleben mit Bahn, Bus und Rad“ – Flyer zum Download

„Alla scoperta dell’Alto Adige in treno, autobus e bicicletta” – download flyer

Priejes