Nightliner

Rodé la sabeda de nöt cun plü segurëza

La rëi de coliamënc di bus che é a desposiziun la sabeda de nöt é coliada indortöra te feter döta la provinzia. Cun 19 linies prinzipales vëgnel colié a livel provinzial düc i raiuns, tröc paisc y punc d'incuntada dër frecuentá. Implü él na rëi ampla de indöt 33 sorvisc de shuttle, coliá cun le iade zoruch di nightliner, che condüj la jënt che roda ion de nöt indô sigüda a ciasa da doman adora.

Chertes y tarifes

Por i bus di nightliner y i sorvisc de shuttle velel chëstes tarifes:

• Iade singul linia prinzipala 3 euro. Les chertes ciafon da cumpré ti bus y ince online.
• Cherta por döta la nöt, por anfat tan de iadi, cun i nightliner (linies prinzipales): 5 euro. Les chertes ciafon da cumpré ti bus, pro i automac dles chertes y ince online.
• Dai 16 de dezëmber 2022 inant é i iadi cun i sorvisc de shuttle Nightliner debann, al n’ó nia ester  na cherta aposta.

Porsones cun le Südtirol Pass

Le Südtirol Pass, l'Euregio Family Pass sciöche ince le Südtirol Pass abo+ y 65+ cun la funziun da paié pó gní adorá sön les linies prinzipales di nightliner. Cun n check-in scëmpl vëgnel trat jö l'import y sce an fej plü iadi te öna na nöt vëgnel trat jö alplü 5 euro.

Le iade che an á intenziun da fá - o ince döta la trassa pó gní convalidé online ince denanco pié ia tres le smartphone. Al vëgn garantí le miú prisc de 5 euro por de plü iadi te na nöt.

Les porsones che á le Südtirol Pass free pó s'anuzé debann di nightliner y di sorvisc de shuttle fajon n check-in scëmpl o mostran sö la cherta canche an vá te bus.

Prëibel mëte averda: I iadi cun le nightliner ne vëgn nia cumpedá pro le cunt di chilometri dl Südtirol Pass. Sön i nightliner ne vára nia da se tó para la roda o n tier. Les linies de cité che vá da sëra a Balsan y Maran  N1, N35 y N13 ne toca nia pro la rëi di nightliner y porchël ne vel chiló nia les chertes y les tarifes di nightliner.

Le mobile ticketing

Les chertes por i nightliner y i sorvisc de shuttle é sëgn ince da ciafé te na forma digitala tl ticketshop dla südtirolmubiltà. Les porsones che n'á nia le Südtirol Pass y gnanca l'abo+ á insciö la poscibilité da se cumpré canchessî tres le smartphone y zënza messëi se registré danfora les chertes por i sorvisc de nightliner y da les convalidé online denanco pié ia. 

Cumpré chertes dl nightliner online:

Chirí fora la cherta che an ó tl ticketshop (icona de n corú sciöche le flider tl app südtirolmobil). Dé dant l'inom dl titolar o dla titolara dla cherta y le numer de chertes. Al é da paié cun la cherta de credit don dant i dac damaná.

Insciö él da convalidé:

Do che an á cumpré na cherta digitala éra tla suravijiun dles chertes ("ticket"-Icon ). Denanco pié ia él da convalidé online  la cherta dl nightliner (cliché sön le botun  "Convalidé"). Da chësc momënt inant vëigon che le iade convalidé é "atif" y an pó pié ia cun le nightliner. Por ci che reverda la cherta de nöt bastel ma che an convalidëies un n iade su denanco pié ia.

Por mostré sö che le "iade é atif" - canche an vá te bus o tl caje de n control - él da cliché sön l'icona dal corú dl flider cun le barcode-design y dedô sön le botun ble "Controlé la validité". Na cherta dl nightliner varënta y convalidada reconëscion dal cheder vërt sciöche ince dala denominaziun "iade atif" cun l'indicaziun dl orar canche al é gnü fat la convalidaziun.