Ai 9 de novëmber dl 2024: De dla mobilité Euregio

En sabeda, ai 9 de novëmber dl 2024 vëgnel indô tigní le De dla mobilité dl'Euregio. En chël de án la poscibilité da jí cun le bus y la ferata fora por döta la regiun europeica Tirol-Südtirol-Trentino.

Südtirol Pass

Ëise n Südtirol Pass, n Euregio Family Pass, n Südtirol Pass abo+, n Südtirol Pass 65+ o n Südtirol Pass free? Spo convalidede Osc iade sciöche dagnora, tolede n bus o na ferata dl trasport local (nia ferates che vá lunc) y godesse le iade fora por l'Euregio.

Bun da savëi

• En le De dla mobilité dl'Euregio ne costa i iadi nia;
• tl Land Tirol y tl Trentin vel le Südtirol Pass (y dötes sües sorts) sciöche documënt da mostré sö;
• les ferates che vá lunc é stlütes fora da chësta aziun (Frecciargento, Railjet, Eurocity y Intercity).

Cun ci mesi publics pón pa jí? 

• Südtirol: düc i mesi publics de südtirolmobil (cun lapró ince l'auto dla posta dla Svizera danter Mals y Müstair). Stlüt fora é la linia 282 Tanas-Laas, i Nightliner y i NL-Shuttles;
• Tirol: bus y ferata dl trasport publich dl Tirol (VVT), bus y ferata di mesi dl trasport de Desproch (IVB);
• Trentin: sorvisc de cité a Trënt, Rorëi, Riva del Garda, Arco, Nago Torbole, Pergine y Lavis - sorvisc de trasport dl Trentin defora dala cité che vá danter Trënt-Malé, tla Valsugana (danter Trënt y Primolano) - la ferata sön la linia dl Prener danter Borghetto y Mezzocorona - la furnadoia Trënt-Sardagna.

FLYER

Sorvisc surapró, Nightliner

I sorvisc surapró (por ej. tó para tiers y rodes) y le Nightliner é da paié.

De plü informaziuns sön le De dla mobilité Euregio é da ciafé sot a www.euregio.info.

STA/Daniel Gütl