Chertes online ma plü sön l'app

Metede averda: Les chertes online ciafon ma plü tl dagní sön l'app. Sön la plata web südtirolmubiltà ne jarára nia plü da cumpré chertes dai 7 de jügn inant.

Nosta botëga online n'é tl dagní nia plü iló y ma plü tl'app olache ara alda. Belanfat sce i adorëis na cherta singola, na mobilcard, na cherta por le nightliner o na cherta Euregio – cun osc smartphone y cun l'app sëise indlunch y tres sön le iade a na moda sostignibla y flessibla.

Le fat che la cumpra online jiss ince da fá cina sëgn sön la plata web á porté pro a n pü' de confujiun pro la jënt. Chësc ne vá sëgn nia plü: Les chertes online pó sëgn ma plü gní cumprades y convalidades cun l'app.

Prëibel metede averda: Che che á te chisc ultimi tëmps cumpré na cherta online y ne l'á nia ciamó adorada dess ciaré da le fá tosc. Do le proscim release ne pó chëstes chertes nia plü gní adorades dai 7 de jügn inant.

Orars de partënza: tolesse le monitor a ciasa!

Cun le widget nü "Monitor partënzes" ves pitunse sëgn sön nosta plata web la poscibilité da ves anuzé dl monitor cun i orars dles partënzes y dles rovades dles fermades chirides fora sön osc monitor personal. Cun püc clics ëise i orars de partënza y rovada di mesi dl trasport publich a ciasa - n bun sorvisc che i podëis sambëgn ince ti mëte a desposiziun a che che vëgn a ves ciafé.

Le ticketfinder é gnü mioré, pro i bus odëise sëgn ince la firma

I un sëgn ince mioré le ticketfinder: Dijesse de ci che i ëis debojëgn, y cun püc clics chiriunse sön nosta plata web les dërtes chertes por os.

Al é informaziuns surapró por che che vá cun le bus: n clich sön i coliamënc de bus chiris fora mostrará tl dagní ince la firma dl bus. Chësc pó ester d'öga por ejëmpl sce an s'á desmentié val' te bus o sce al é n scioper.

Pro i coliamënc dla ferata él bele chësta prezisaziun tla chirida di orars online. Do la organisaziun nöia di sorvisc dl bus él chësc detai ince pro i coliamënc di bus.