Ciarede da ester arjigná da pié ia: Südtirol Pass abo+ y scarnüz da scora de setëmber

L'isté vá bel plan a piz! Y insciö éra indô tan inant: sce an ne á nia ciamó arlungé le Südtirol Pass abo+ tomel ai 15 de setëmber.

Ci él pa da fá? Le miú fossel da ciaré do tl cunt dl utënt online y aposté o arlungé atira le Südtirol Pass abo+ online, sce i ne l'ëis nia ciamó fat!  

Ma n clich

Co fejon pa da aposté debota y saurí le Südtirol Pass abo+ por l'ann de scora 2024/2025? 

1. Dé ite sön la plata web südtirolmubiltà i dac damaná;
2. chirí fora co paié;
3. ortié inant la domanda.

La tarifa anuala de 20 euro pó gní paiada online cun la cherta de credit, tres le cunt bancar o le home-banking. An pó ince paié diretamënter pro i info-points de südtirolmubiltà o ti posć de venüda autorisá. 

Sce an á aposté n Südtirol Pass abo+ nü por la scora elementara, la scora mesana o la scora alta pón jí a s'al do tl secretariat dla scora. Al ves gnará lascé alsavëi canche i podëis jí a le do.

Südtirol Pass abo+ por che che stüdia

Cun na tariafa anuala de 150 euro n'á le Südtirol Pass abo+ por che che stüdia nia n termin de tomanza fis y pó gní aposté canchemai ia por l'ann.

De plü informaziuns ciafëise chiló: Südtirol Pass abo+.