Linia dla ferata de Puster nöia

Te Puster sarál da en domënia, ai 15 de dezëmber dl 2024 inant, deplü toc dla linia dla ferata plü dî stlüc. 

Tratan che al vëgn fat i laurs y che la trassa é stlüta vëgnel pité n sorvisc de bus de sostituziun. Chësc s'orientëia al'oferta atuala dla ferata y é gnü lauré fora cun i ënc interessá, les istituziuns scolastiches, les porsones che laora tl setur turistich y les lies d'interes.

Chiló ciafëise dötes les domandes sön la stlüta dla linia y le sorvisc de sostituziun.  

FAQ - Domandes che vëgn dant sovënz

La stlüta di singui toc 

• Franzensfeste-Bornech: stlüta da en domënia, ai 15 de dezëmber dl 2024 cina en sabeda, ai 13 de dezëmber dl 2025  
• Bornech-Sanciana: stlüta da en lönesc, ai 14 d'aurí dl 2025 cina en lönesc, ai 2 de jügn dl 2025
• Sanciana - confin de stat - Sillian: stlüta da en lönesc, ai 14 d'aurí dl 2025 cina en domënia, ai 25 d'aurí (2 edemes)
• Franzensfeste-Mühlbach: stlüta da en domënia, ai 14 de dezëmber dl 2025 cina en lönesc, ai 26 de jená dl 2026  

Te chësc tëmp metará man le gestur dla rëi dla ferata RFI y süa firma afiliada Italferr cun i laurs dla varianta dla Riggertal. Implü s'anüza la RFI de döt le tëmp dla stlüta por fá laurs de metüda en segurëza sön la trassa de Puster. 

Sön nosta plata internet él sot proiec de plü informaziuns sön la linia dla ferata nöia.  

Sorvisc de sostituziun 

Franzensfeste-Bornech dai 15 de dezëmber dl 2024 ai 13 de dezëmber dl 2025

Le bus B400 vá sön la trassa Porsenú-Bornech te tramesdöes les direziuns. Le bus stá chit chiló: 

• Porsenú, staziun de Porsenú - plataforma dl bus A; 
• Porsenú, staziun dl bus de Porsenú (plataforma dl bus B cuntra Bornech);
• Mühlbach, zënter; 
• Vandoies, staziun de Vandoies - plataforma C cuntra Bornech; plataforma dl bus B cuntra Porsenú; 
• Chiens, zënter - plataforma dl bus A cuntra Bornech; plataforma B cuntra Porsenú; 
• Burcia Ehrenburg; 
• San Laurënz, staziun de San Laurënz; 
• Bornech, staziun de Bornech - plataforma dl bus D.  

Orar B400 Porsenú-Bornech

Ma tla staziun de Porsenú vára da passé dala linia dl Prener ai bus de sostituziun B400. I bus de sostituziun ne vá nia a Franzensfeste y ne pëia gnanca ia da dailó.

An pó ince tó i bus dla linia 401 Porsenú-Bornech  Te chisc bus velel tratan döta la dorada dla stlüta les chertes dla ferata. 

Stlüta Bornech-Sanciana y Franzensfeste-Mühlbach 

I orars di bus de sostituziun tl'Alta Val de Puster (Bornech-Sanciana dai 14 d'aurí dl 2025 cina ai 2 de jügn dl 2025) y sön le toch Franzensfeste-Mühlbach (dai 14 de dezëmber dl 2025 cina ai 26 de jená dl 2026) gnará ciamó lasciá alsavëi.  

De plü informaziuns  

Düc i orars y les informaziuns atuales é da ciafé sön nosta plata web. 

Trasport dla roda: Ti bus sostitutifs ne vára nia da se tó para la roda.

Damané do sorvisc de assistënza canche an sënta sö, vëgn jö o tol la coinzidënza: Por ci che reverda i sorvisc dla ferata y de sostituziun dla ferata gnëise daidá da Sale Blu (www.rfi.it). Por le iade dl sorvisc de sostituziun pón contaté diretamënter la dita de trasport tres e-mail info@pizzinini.it o al telefon +39 0472 977250.