En domënia, ai 19 de novëmber gnarál realisé sön la linia dla ferata de Puster i laurs de control y manutenziun che vëgn fac regolarmënter dala sozieté che manajëia la rëi dles ferates. La trassa dla ferata Franzensfeste – Sanciana romagn stlüta dales 6:30 ales 13:30, la trassa Sanciana cina sön le confin dl stat dales 9:00 ales 12:00. Les prömes ferates piará indô ia aladô dl orar en domënia dales 13.50 a Franzensfeste y a Sanciana.
Sorvisc de sostituziun dla ferata
Al vëgn sambëgn indô metü a desposiziun n sorvisc de sostituziun dla ferata. I bus de sostituziun jará vigni ora danter Franzensfeste y Sanciana te trames les direziuns. Ai ne jará nia te vigni staziun dla ferata: a Vintl s'archita i bus sön la plaza da oje dlungia la staziun, a Bornech Nord s'architi tla via A. Hofer, a Perca dlungia la ciasa de comun y a Niederdorf sön la plaza v. Kurz. Prëibel metede averda: i orars de partënza di bus de sostituziun ne vá nia a öna cun i orars dla ferata; i bus adora sambëgn plü dî da jí da n post al ater y döt depënn ince dal trafich sön strada. Ti bus de sostituziun ne sarál nia poscibl da trasporté rodes.
Ince danter Sanciana y Sillian sarál tratan i laurs de manutenziun n sorvisc de sostituziun dla ferata cun coliamënc vigni ora.