Les spëises por i abonamënc dl trasport publich pó gní trates jö dales cutes dl davagn (IRPEF) dl ann 2024, y plü avisa pól gní trat jö le 19 porcënt dla soma totala cina 250 euro.
An pó trá jö chisc abonamënc:
- Südtirol Pass
- Euregio Family Pass
- Südtirol Pass abo+
- Südtirol Pass 65+
Ci spëises vëgn pa reconesciüdes?
- Por s'anuzé dl arbassamënt dles cutes mësson avëi paié cun metodes de paiamënt da jí do, sciöche por ejëmpl cun bancomat, cherta de credit o trasferimënt bancar. Les cubites dles spëises dades dant mëss gní tignides sö.
- La soma totala de 250 euro pó tó ite a pert les spëises anuales por le Südtirol Pass o l'Euregio Family Pass ince le cost pauscial dl abonamënt por familiars a ciaria.
- An ne pó nia trá jö i cosć de iade registrá cun le Südtirol Pass o abonamënc, sce ai vëgn retüs dal datur/dala daturia de laur.
Südtirol Pass Prepaid
Che che á n Südtirol Pass Prepaid mëss dé dant pro les spëises dl abonamënt i valurs de dötes les somes ciariades sö, belanfat sce an les á adorades o no. Implü mësson te chësc caje identifiché instësc les spëises por Park&Ride, box dles rodes y iadi foradecá y les trá jö dala soma che pó gní trata jö dales cutes
Desćiarié le ressumé dles spëises
An pó damané do na suravijiun dles spëises dl abonamënt dl 2024 CHILÓ y desćiarié diretamënter le documënt scrit fora denant o s'anunzié sön le cunt de südtirolmubiltà y druché sön "Spëises por l'abonamënt dl 2024".
STA/Ivan Brentegani