bikemobil Card
Furné ncantëur tl Südtirol: cun la curiera, la ferata y la roda
La bikemobil Card cunliëia doi ufiertes: la ie na cherta de viac per duc i mesuns de trasport publics tla provinzia y dà oradechël la puscibltà de fé na jita de n di cun na roda de mprëst (model standard). La bikemobil Card ie da avëi per 1, per 3 o per 7 dis ndolauter. Mutons/Mutans danter 6 y 13 ani giapa la bikemobil Card coche cherta junior a n priesc arbassà.
Avis: Cun la pröma edema de novëmber se röia la sajun 2021 da impresté fora rodes de „Südtirol Rad“, “PapinSport“ y „Südtirolbike“. La bikemobil Card ciafon impormó indô d’aisciöda dl 2022.
Coche cherta de viac persunela vel la Bikemobil Card per duc i mesuns de trasport publics tl Südtirol, per la ferates regiuneles y chëles regiuneles-express nce nchin a Trënt coche ënghe per viages cun l PostAuto Schweiz danter Mals y Müstair. Per dut n di possen se mpresté ora limpea nce na roda de mprëst, per na jita de n di o per na jita de n di cumbineda cun la curiera, la ferata y la roda. La roda de mprëst possa dadedò unì data ju pra una dla lueges dla urganisazions de mprëst respetives: Südtirol Rad, Papin Sport o Südtirolbike. Avis: La bikemobil Card ne dà nia la rejon de se tò pea la roda sun i mesuns de trasport publich.
La bikemobil Card ne vel nia per viages cun la ferates a destanza longia (p.ej. la ferates-EC, Railjet, Frecciargento, Italo) y ënghe nia sun chësta linies dla curiera: servisc shuttle cun la curiera 444 Toblach – Trëi Pizes de Lavarëi / Rifugio Auronzo, linia 442 Toblach – Niederdorf – Braies tl tëmp dai 10.07. ai 10.09. y servisc shuttle cun curiera 439 Valsperch – Lech de Braies.
La bikemobil Card ie da giapé
- pra la lueges de venduda südtirolmubiltà autorisedes,
- ti ufizies turistics,
- pra i mprësć de rodes che fej pea.
La bikemobil Card ie na cherta de viac contactless persunela y nia trasferibla. La muessa unì cunvalideda dan uni viac pra i njins de cunvalidazion brums tla stazions o tla curiera. Per fé chësc tlechel tenì la cherta contactless permez al sensor.
Sun la pert dovia dla cherta contactless iel, dan che n l’adrova per l prim iede, da scrì l inuem y la data de validità (l medemo di o 3 o 7 dis de calënder dala prima cunvalidazion).
“Südtirol erleben mit Bahn, Bus und Rad“ – Flyer zum Download
„Alla scoperta dell’Alto Adige in treno, autobus e bicicletta” – download flyer
| Persones adultes | Junior (da 6 a sota 14 ani) | |
|---|---|---|
| bikemobil Card 1 di | 25,00 Euro | 12,50 Euro* |
| bikemobil Card 3 dis | 30,00 Euro | 15,00 Euro* |
| bikemobil Card 7 dis | 35,00 Euro | 17,50 Euro* |
* L priesc vel per la Junior Bike nchin 24''
Nfurmazions sun l mprëst de rodes “Südtirol Rad”: www.suedtirol-rad.com
Nfurmazions sun l mprëst de rodes “Papin Sport“ sot a: www.papinsport.com/de/
Nfurmazions sun l mprëst de rodes „Südtirolbike“ sot a: www.suedtirolbike.info