Corona: mosöres de prescia surapró
Dai 6 de dezëmber dl 2021 Green Pass obligatore tl trasport publich local
de plu nfurmazions
Stlù l menù
Una ragazza e un ragazzo seduti in teno guardano sorridendo lo schermo dello smartphone. La ragazza indica qualcosa sul telefono.

Euregio Ticket Students

Abunamënt anuel per studëntes y studënc tl Südtirol, Tirol y Trentin

L Euregio Ticket Students ie da giapé per studëntes y studënc che ie scric ite te na Università o istituzion de furmazion semienta dla Euregio. Per na chëuta fissa anuela possa i mesuns de trasport publics unì nuzei cun chësta cherta de viac persunela y eletronica tl Südtirol, tl Tirol y tl Trentin a na maniera flessibla y ilimiteda. Danz iel da tenì cont tla pertes defrëntes dla Euregio de cundizions de nuzeda defrëntes.

Per chëi Abo-Euregio che vën dac ora tl Südtirol velel tl raion dl sistem südtirolmobil la medema cundizions de nuzeda coche per l Südtirol Pass abo+: L tleca n check-in dan uni viac. Tl Tirol y tl Trentin vën la cherta adurveda, ora che per n valguna ezezions, sciche cherta da mustré ca. La validità dla cherta vën cuntroleda tres l codesc QR stampà lessù.

Avis: I criteres de nuzeda tlo descric vel mé per chëi Euregio Tickets Students che vën damandei tres la plata web dla südtirolmubiltà y adurvei tl raion dl trasport publich local. La cundizions de nuzeda per l Tirol y per l Trentin ie da liejer sun la plata web www.vvt.at sot al pont dl menù “Servisc / Downloads“ sciche nce sun la plata web www.trentinotrasporti.it.

 

Cosć y priejes de viac

L priesc pauscial anuel per l Euregio Ticket Students ie de 430 euro, per giapé la cherta de viac nueva ne vëniel ratà deguna chëuta.

Studëntes y studënc che à bele n Südtirol Pass abo+ possa se damandé, paian 280 euro, l Euregio Ticket Students giapan nsci la cherta de viac nueva, che possa unì nuzeda te duta la Euregio. L resta n pe te chësc cajo la data de validità anuela dl Südtirol Pass abo+ da dant.

Ciuna linies de curiera y ferata ie pa leprò?

Tl Südtirol vel l Euregio Ticket Students per viages cun la linies dla curieres y dla ferates dl sistem de cunliamënt südtirolmubiltà ma nia per la ferates a destanza longia (Freccia, Italo, ferates-EC, Railjet). Coche pra l Südtirol Pass abo+ possel nce unì ativà pra l Euregio Ticket Students la funzion de paiamënt tres l cont de nuzeda persunel per paië la tarifes separates per l trasport de rodes y tieres sciche nce per i viages cun la curieres Nightliner.

Tl Tirol possa l Euregio Ticket Students unì nuzà te dut l raion de cunliamënt dl Tirol.
Oradechël vel l Euregio Ticket Students ënghe te duta la ferates a destanza longia tl raion dl Tirol, cundechël nce per l RailJet, RailJet Express, Intercity-Express, InterCity, EuroCity. La tarifes per tò pea rodes y tieres ti mesuns de trasport publics tl Tirol possen udëi tlo.
Coche nce sot al pont dl menù “Servisc/Downloads/Nfurmazions" sun la tarifes.

Tla provinzia de Trënt vel l Euregio Ticket Students per i servijes de curiera te zità y ora de zità dla Trentino Trasporti SpA, per la ferates regiuneles dla linia dla ferata dl Prëner (de viers dl sud nchin a Borghetto), per l cunliamënt dla ferata Trënt–Malè, per l cunliamënt dla ferata dla Valsugana danter Trënt y Primolano sciche nce per la furnadoia Trënt-Sardagna. Chësta cherta de viac ne possa nia unì adurveda per la ferates a destanza longia y per la ferates express (EC, Intercity, Freccia, Italo y nsci inant) y ënghe nia per l “bikebus” sun la trassa dla ferata dla Valsugana y Trënt-Malè.

Nsci se damanden l Euregio Ticket Students

L Euregio Ticket Students possa unì damandà dala studëntes y dai studënc

  • che ie scric ite te na università o te na istituzion de furmazion semienta tla Euregio
  • che ne à mo nia cumplì 28 ani tl mumënt che les/i fej dumanda.

Tl Südtirol iel per chësta dumanda l formuler online sun chësta plata web.

Tl Tirol possen se damandé l Euregio Ticket Students tres l Verkehrsverbund Tirol, la cherta vën iló data ora cun l design dl VVT.

La Provinzia de Trënt ne dà nia ora Euregio Tickets Students aposta, tlienc y tlientes dal Trentin possa se damandé la cherta tres la plata web dla südtirolmubiltà.

Cunseniazion dla chertes: i tlienc y la tlientes dl Südtirol possa jì a se tò la cherta pra la luegia de venduda dla südtirolmubiltà crissa ora. Ai damandanc y ala damandantes dl Trentin ti vëniel mandà la cherta per posta al’adres data dant.

Se damandé o renuvé l Euregio Ticket Students

Paiamënt dla chëuta anuela
  • Orden de paiamënt permanënt bancher tres SEPA Direct Debit;
  • Tres cherta de credit (Visa / Mastercard) / pagoPA (tlo possel se purté pro spëises canche n fej dumanda);
  • Tres cherta de credit (Visa / Mastercard) / pagoPA (l possa se purté pro spëises) te n segondo var sun l cont de nuzeda persunel o tres home-banking per la banches autorisedes y nia tres trasferimënt;

Dan che n l’adrova per l prim iede ne iel nia de bujën de fé n’ativazion dla cherta, ma l ie sambën de bujën de fé l paiamënt.

Cont de nuzeda online

Canche n fej dumanda de giapé la cherta cunsions de njinië ite n cont de nuzeda persunel online tres chël che l possa unì dejëut duc i servijes online n cont dla cherta:

  • cuntrolé l stat atuel dla cherta;
  • ativé o aministré a na maniera flessibla pachec de njonta o servijes de njonta a paiamënt;
  • mudé la maniera de paiamënt (prepaid o SEPA);
  • ativé/deativé servijes de n jonta a paiamënt;
  • damandé n duplicat o bloché la cherta;
  • mudé o atualisé i dac persunei.

L cont de nuzeda online possa nce for unì njinià ite dadedò canche n uel.

Südtirol Pass Portal

Validità dl Euregio Tickets Students

L Euregio Ticket Students vel, do che n à fat la dumanda (da nuef o de slungiamënt), respetivamënter per n ann alalongia. Tl cajo de n cuntrol ie l Euregio Ticket Students da mustré ca adum cun n documënt cun na fotografia valeivl (cherta d’identità o auter documënt de recunescimënt).

Studënc y studëntes che à bele n Südtirol Pass abo+ che vel possa for, paian lessù 280  euro, se damandé l Euregio Ticket Students y po giapi la cherta nueva. L resta te chësc cajo mpe la data de validità dl Südtirol Pass abo+ da dant.

L ne ie nia puscibl desdì la cherta do che n à fat dumanda. Sce l vën, do che la validità dl Euregio Ticket Students ie tumeda, mé plu adurvà l Südtirol Pass abo+ normal, ie chesc da damandé da nuef. Sce l nen ie un possa nce n abo+ da dant inò unì reativà paian na chëuta anuela de 150 euro.

Cunvalidé / Registré l viac

Per i Euregio Tickets Students che vën dac ora tl Südtirol velel tl trasport publich local i medemi criteres de nuzeda coche per l Südtirol Pass abo+. Chël uel dì: L tleca n check-in dan uni viac cun la ferata o la curiera.

Tl Tirol y tl Trentin, alincontra, vel l Euregio Ticket Students dat ora tl Südtirol belau dlonch coche documënt da mustré ca.

Mé per chisc viages iel da fé na cunvalidazion:

  • tla curieres regiuneles che va sëura i cunfins provinziei ora y te chëi che l ie i njins de cunvalidazion dla südtirolmubiltà. L se trata dla linies dla curieres 140, 180, 246, 273 y 471.
  • Viages cun la ferata de viers dl Südtirol cun partënza a Trënt, Lavis y Mezzocorona coche nce cun partënza da Dispruch, Sillian y Lienz; te chësta trëi stazions tirolejes iel la puscibiltà de fé la cunvalidazion cun validità dal Prëner y respetivamënter da Sanciana.

Zënza, vel per l Euregio Ticket Students pra i viages cun la curiera y la ferata n generel i criteres de nuzeda de uni provinzia o Land. Da tenì cont iel dantaldut dla regulamentazions defrëntes n cont dla ferates a destanza longia y nce de chëles per tò pea la roda o tieres ti mesuns dl trasport publich.

Euregio Ticket Students cun funzion de paiamënt ativeda

Sce n uel, possen tres l cont de nuzeda for njunté a uni Euregio Ticket Students na funziuon de paiamënt sëuraprò, sibe sciche cherta prepaid da ciarië sibe cun na detrazion direta dal contcurënt bancher (SEPA Direct Debit). A chësta maniera possel tl sistem de trasport südtirolmubiltà unì paià cun l Euregio Ticket Students chisc servijes de njonta:

  • tarifa da n di per tò pea la roda
  • spëises de viac per tò pea tieres (tarifa per cherta singula)
  • viages cun la curieres Nightliner (tarifa Nightliner)

Cunvalidé: Per l Euregio Ticket Students cun funzion de paiamënt ativeda vel pra la cunvalidazion la medema cundizions de nuzeda coche per l Südtirol Pass normal: per la curieres regiuneles y i citybus uel chël dì check-in canche n sënta ite, check-out canche n vën ora. Dantaldut canche n furnea cun la ferates regiuneles iel de mpurtanza, canche n fej la cunvalidazion, dé ite y cunfermé nce l codesc  dla stazion de destinazion; sce no ne vel la cunvalidazion y cundechël nce la cherta nia.

Südtirol Pass Portal

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.