Box dla roda – südtirolmubiltà

Oresses podëi lascé osta roda ala staziun canche i jëis a tó le bus o la ferata, zënza messëi se temëi che ara ves vëgnes tuta o che le tëmp ves la rovines? Degun problem: i un la soluziun ideala!

Ales staziuns da Porsenú y Bornech él a desposiziun box dla roda – südtirolmubiltà individuai y coletifs, olache podarëis lascé osta roda cun segurëza, adassosta dal tëmp y a de bogn prisc.

Ci é pa n box dla roda?

N box dla roda é n post adassosta y stlüt olache an pó lascé la roda.  Al pó ma gní daurí dala porsona che á aposté damperfora n post online. La manutenziun dl box dla roda vëgn fata regolarmënter y te caji de bojëgn pón cherdé sö n numer d'emergënza.

Co fejon pa da adoré n box dla roda?

Por podëi adoré n box dla roda mësson avëi l'app-südtirolmobil sön le fonin y un de chisc abonamënc cun n contrat postpaid (SEPA Direct Debit):

• n Südtirol Pass o n Euregio Family Pass;
• n Südtirol Pass abo+, n Südtirol Pass 65+ cun sorvisc surapró atifs.

Co apostëion pa n box dla roda?

1. Apostaziun tres la app südtirolmobil: clichede sön "ticketing" (simbol viola söinsom a man dërta > "Abonamënc";
2. daurí le box dla roda: clichede sön "Daurí le box dla roda" tla app südtirolmobil y scansionede le codesc QR che é da ciafé sön l'üsc dl box individual o sön le display al’entrada dl box dla roda coletif;
3. parchede osta roda. Döt fat!

Y tan costa pa chësc sorvisc?

Cosć por n post te n box coletif:

• 1 n de: 1 n euro
• 1 mëis: 5 euro
• 1 ann: 30 euro

Cosć de n box individual:

• 1 n de: 2 euro
• 1 mëis: 10 euro
• 1 ann: 60 euro

Ci aspetëise pa? Arjignesse ince os n box dla roda y rodede zënza pinsiers!