Por trasporté les rodes sön la trassa dla ferata dla Venosta él a desposiziun cina ai 29 de otober dl 2023 n trasport dles rodes aposta por alplü 30 rodes.
Deache la linia dla ferata n'é nia dagnora daverta él da tigní cunt de n valgügn aspec organisatifs:
I dis da laur dal lönesc al vëndres sciöche ince ai 12, 13, 15, 19 y 20 d'agost:
- trasport dles rodes ma da Maran a Mals
partënza dala staziun de Maran dales 9:16, 10:16, 15:16, 16:16
Dé jö les rodes: ma pro la staziun de Maran (plataforma Z), da 30 cina alplü tert 5 menüc denanco pié ia.
Jí a tó les rodes: olache an ó tles staziuns de Naturns, Latsch, Schlanders, Spondinig o Mals.
Avertimënt: tla ferata danter Töll y Mals él ma n numer limité de posć por la roda. I ves aconsiun porchël da ti surandé bele a Maran osta roda al sorvisc de trasport dles rodes separat.
Les sabedes y les domënies (ater co ai 12/13 y 19/20 d'agost):
- trasport dles rodes da Maran a Mals y da Mals a Maran
partënza dala staziun de Maran (plataforma Z): 9:16, 10:16, 15:16, 16:16 - partënza dala staziun de Mals: 11:16, 12:16, 17:16, 18:16
Dé jö y jí a se tó les rodes: pro la staziun de Maran, pro l'architada dl bus Naturns Comun y pro les staziuns dla ferata de Latsch, Schlanders, Spondinig y Mals
Les sabedes y les domënies él da prenoté le trasport dles rodes y plü avisa almanco 24 ores denanco pié ia al numer de telefon +39 0473 201500 (8:00 – 18:00) o tres e-mail a info@suedtirol-rad.com
Chertes y prisc
Les chertes y i prisc por le trasport dles rodes é anfat a ci che an paia da se tó para la roda ti mesi dl trasport publich:
cherta de n de por se tó para la roda por 7 euro o convalidaziun a pert cun le Südtirol Pass ala tarifa de 3,50 euro al de. Tramedöes les poscibilités funzionëia ince tres le mobile ticketing sön l'app südtirolmubiltà.
Les chertes por le sorvisc de trasport dles rodes é da ciafé diretamënter dailó o pro les portines dles chertes.