tap&go. Fast and easy
südtirolmobil ampliëia les ofertes digitales cun le sistem de paiamënt tap&go y insciö vára ciamó plü saurí y snel da tó i mesi publics!
Cun chësta funziun nöia ti pón pormez ciamó damí ala rëi de südtirolmobil integrada y al n'é nia plü debojëgn da cumpré la cherta de iade damperfora. Cun le sistem tap&go tlechel da tigní na cherta de paiamënt pormez al aparat de venüda o de convalidaziun ti mesi dl trasport publich o tles staziuns dla ferata por podëi pié ia.
N iade rová a destinaziun él da stlüje jö le iade cun n secundo "tap" y insciö vëgnel ince stlüt jö saurí y atira le paiamënt contactless.
La trassa fata vëgn registrada automaticamënter deache le sistem calcolëia le cost dl iade fat dal pröm al secundo tap.
Da aurí dl 2025 inant gnarál ativé i pröms aparac de convalidaziun cun le sistem tap&go nü ti bus de cité a Balsan y Maran (fasa A).
Le sistem nü é atif sce al é taché sön üsc n adesif tap&go cun la scrita "Active on your bus".
Plü tert gnarál ince metü sö i tap&go te düc i bus regionai (fasa B) y inultima tles staziuns (fasa C).
- Ativaziun: Por registré le iade bastel da aziché "ACTIVATE" sön l'aparat de venüda o de convalidaziun. Insciö vëgnel ativé le sistem de paiamënt contactless.
- Pröm tap: Do l'ativaziun él da tigní osta cherta de paiamënt pormez al simbol contactless y aspeté che al vëgnes sö n OK vërt; insciö vëgnel registré le scomenciamënt de osc iade.
- Secundo tap: Canche i sëis rová a destinaziun y denant che lové fora ól ester n secundo tap por stlüje jö le paiamënt. Sce al vëgn sö n OK vërt ól dí che le sistem á funzioné.
Atenziun: Ne stede a ves desmentí dl secundo tap. Sce i ne ti dijëis nia al sistem che i sëis rová a post, gnarál registré döta la trassa cina pro la staziun finala y al gnará sambëgn ince calcolé döta la tarifa.
sistem tap&go-System nia ativé
Sce le sistem n'é nia a desposiziun vëgnel sö le simbol grisc cun na X cöcena straicada tres.
Sce i paiëis osc iade cun n Südtirol Pass o n ticket cun n codesc QR, podëise impó convalidé osc iade, deache le sistem contactless y le scanner di codesc QR é atifs.
