Da en lönesc, ai 14 d'aurí dl 2025 cina en lönesc, ai 2 de jügn é la linia dla ferata de Puster sarada sön le toch Bornech-Sanciana.
Le gestur dla rëi dla ferata RFI s'anüza de chësc tëmp por fá sön chësc toch laurs de modernisaziun, intervënc tecnics y de segurëza. Implü vëgnel arjigné ite le sistem de control dles ferates europeich ETCS y baraté fora les condütes tl'aria.
Tratan che al vëgn fat i laurs y che la trassa é stlüta vëgnel pité n sorvisc de bus de sostituziun.
La stlüta di singui toc
| Stlütes | |
| - Toch Bornech-Sanciana | 14 d'aurí dl 2025 - 2. jügn dl 2025 |
| - Toch Sanciana - confin de stat - Sillian | 14 d'aurí dl 2025 - 27 d'aurí dl 2025 |
Implü romagn ince le toch Franzensfeste - Bornech bonamënter stlüt cina en sabeda, ai 13 de dezëmber dl 2025.
Sorvisc de bus de sostituziun tl'Alta Val de Puster
I bus dl sorvisc de sostituziun B500 vá vigni mesora danter la staziun dla ferata de Bornech y la staziun dla ferata de Sanciana. I bus de sostituziun ne stá nia chic pro les staziuns dla ferata (a pert a Bornech, Valdaora y Sanciana), mo pro les architades zentrales ti paisc.
Le bus sostitutif ne stá nia chit dan l'ospedal da Bornech, mo an pó tó tröc d'atri bus de d'atres linies che pëia ia dala staziun dla ferata de Bornech.
Orar di bus sostitutifs B500 Bornech<->Sanciana
I bus de sostituziun SV223 vá vigni ora danter la staziun dla ferata Sanciana y la staziun dla ferata Sillian.
Orar di bus sostitutifs SEV223 Sanciana <->Sillian
Tó para la roda: Ti bus sostitutifs ne vára nia da se tó para la roda.
Informaziuns por porsones cun na mobilité limitada CHILÓ.
Informaziuns surapró é da ciafé sot Slütes 2025 sön la plata di proiec.