Al é tla responsabilité y tl interes de dötes les porsones che i mesi publics sides efiziënc, efetifs y sigüsc.
Mo ci sozedel pa sce zacai ne se tëgn nia ales normes varëntes? Te chësc caje mësson fá cunt cun straufunghes stabilides tl art. 50 dla lege provinziala 15/2015. Chëstes é sëgn gnüdes adatades - a chësta moda vëgn les straufunghes aministratives ince plü ceres.
Ci ó pa chësc dí por la jënt che tol le bus o la ferata?
- Na mudaziun importanta reverda l'amunta dles straufunghes aministratives cun chëres che an mëss fá cunt sce an roda zënza cherta, cun na cherta nia varënta o sce an ne l'á nia convalidada. Ince sce an ti trasferësc la cherta a zacai d'atri o sce an rovina l'infrastrotöra él sëgn da paié straufunghes aministratives cotan plü ceres. De plü informaziuns é da ciafé: CHILÓ.
- N'atra mudaziun reverda la modalité de paiamënt. An pó tres ciamó fá n paiamënt bancar mo sëgn él ince poscibl da paié les straufunghes tres n paiamënt online (Epays o QR-Code).