En domënia che vëgn, ai 17 de messé, él da tigní cunt che tl zënter de Balsan vëgnel neutralisé na bomba y che pro la ferata de Puster vëgnel fat laurs de manutenziun.
Porchël resta stlüta la linia dla ferata de Puster en domënia, ai 17 de messé dl 2022 danmisdé: le toch Franzensfeste – Sanciana dales 6.30 dles 13.30, le toch Sanciana – Sillian dales 9.00 ales 12.00. De conseguënza piará ia les prömes ferates en domënia che vëgn dales 13.50 a Sanciana y a Franzensfeste.
Chësc se porta pro porvia de laurs tecnics de control y de manutenziun che vëgn fac regolarmënter dala sozieté taliana che gestësc la rëi dles ferates. Te Puster vëgnel programé chisc laurs vigni dui mëisc.
Bus impede la ferata: Tratan che la linia dla ferata é stlüta por rajuns de manutenziun él a desposiziun n sorvisc de sostituziun dla ferata. I bus pëia ia da Sanciana ai menüc 10 y 40, da Franzensfeste ai menüc 50 y 20. I bus che vá impede la ferata stá porleplü chic dales staziuns dla ferata ater co: a Bornech nord olache le bus stá chit tla strada Hofer, a Perca dala ciasa de comun y a Niederdorf sön la plaza V. Kurz. Ti bus sostitutifs n’él nia poscibl da trasporté rodes.
Le zënter de Balsan stlüt por la neutralisaziun de na bomba
Tl cantier dla Via Südtirol a Balsan vëgnel neutralisé n relit dla vera en domënia danmisdé. Döt le raiun incëria vëgn stlüt por rajuns de segurëza dales 8.45 cina bonamënter presciapüch les 11.00. Dedô piarál indô ia gradualmënter le trafich dl bus y dla ferata.
L'evacuaziun, che durará presciapüch döes ores, tol ite la staziun de Balsan y de conseguënza le trafich dla ferata sön la linia dl Prener y la linia da Maran, y ince i coliamënc de bus tl zënter dla cité.
La staziun dles corieres da Balsan é defora dal raiun saré jö, mo al ti podará ma pormez y al podará ma pié ia da chësta i bus che vëgn da ost. I bus dles linies 165, 170, 180, 181, 182, 184 y 350 s'archita porchël regolarmënter ala staziun dles corieres, dötes les atres linies dl bus vá cina o pëia ia da Plaza Vittoria (dala pert dla strada Cesare Battisti).
En domënia resta l’'infopoint tla staziun dles corieres a Balsan döt le de stlüt. La furnadoia y la picia ferata dl Renon jará regolarmënter.