Cun le sorvisc "tap&go" vára da paié le iade sön i bus de cité diretamënter te bus cun na cherta de credit o de debit (cun la funziun de online banking ativa), ince dal wallet sön le smartphone.
Chësta funziun fej deventé la mobilité publica tl Südtirol plü azessibla dantadöt por chës porsones che tol ma datrai le bus. Che che n'á nia n Südtirol Pass o na cherta de iade varënta pó paié so iade te na manira scëmpla cun na cherta de credit o debit dla rëi Mastercard o Visa (les chertes American Express y Diners Club ne funzionëia nia) zënza messëi se cumpré bele damperfora na cherta de iade.
Le sistem tap&go é bele atif sön la maiú pert di bus de cité a Balsan y Maran, y n adesif sön la porta dant y n'indicaziun sön i aparac de convalidaziun segnalëia che le sistem funzionëia. A dorada lungia él preodü da adoré chësc sistem sön düc i mesi, cun lapró ince i bus regionai, y ince tles staziuns.
Co funzionëia pa tap&go?
Por adoré chësta metoda de paiamënt contactless, mësson ma chirí fora "ACTIVATE" sön le monitor dl aparat de convalidaziun y tigní pormez la cherta de paiamënt canche an vá te bus. N OK vërt segnalëia che la transiziun é jüda a bun fin. Canche an é rová a destinaziun él ma da tigní indô pormez al aparat la cherta por stlüje jö le iade. Al vëgn automaticamënter calcolé y trat jö la tarifa plü bunmarcé.
Informaziuns plü avisa é da ciafé CHILÓ.